Ekintza sindikala
21/12/23 Gabon aurreko mahai sektoriala
Gaur, 2021eko abenduaren 23an, beste Mahai Sektorial batean izan gara
Aztergaien zerrenda eta landutako puntuen laburpena honako hau da:
1) Bidasoa ospitaleko Bloke Kirurgikoa:
Bidasoa ESIko gerenteak (Ladrón de Guevara J.) azaldu digu zertan datzan eta zertan oinarritzen den Bloke Kirurgikoa eta Bizkortze-Unitatea handitzeko eta berritzeko proiektua. Hobe berandu sekula ere ez baino.
SMEk galdetu du ea larrialdietako ebakuntza-gela bat mantendu nahi duten. Erantzuna “EZ” izan da, eta, gure ustez (eta hala adierazi diogu Administrazioari), aurreikuspen- eta plangintza-falta handia dago.
Albiste horren aurrean, Sendagileen Sindikatuak Koordinazio eta Emergentzia zerbitzuak indartzeko beharra azpimarratu du, lekualdatzeak arintzeko. Era berean, Donostia Ospitaleko zerbitzuak modu egokian indartzeko eskatu diegu (larrialdiak, kirurgikoak…) urgentziazko kasu horiek jaso ditzaten behar bezala profesionalei lan-gainkarga saihesteko eta pazienteei arreta egokia bermatzeko.
Plangintza eta Kudeaketako zuzendariordeak ere parte hartu du, eta esan digu derrigorrezko Nahitaezko Mugikortasunaren Jarraibideak aldi baterako eragina jasoko duten profesionalen lan-eskubideak bermatuko dituztela. Era berean, profesionalak konpentsatzeko beste neurri batzuk “baloratzen” ari dira, hala nola: langileak kontratatzea, ondorio ekonomikoak (dietak, garraioa), lanaldia aldatuz gero lansariak (arratsaldez ebakuntza-gelak irekitzeagatik) eta, gainera, benetako lanalditzat hartzea joan-etorriko denbora. Baina hori guztia, ezer zehaztu gabe. Osakidetzak adierazi digunez, gai horiek guztiak Gipuzkoako Batzar Espezializatuan negoziatuko dira.
2) LMAko osasun-zentroen ordutegi-doikuntzak:
Lehen Mailako Arretako Zuzendariordetzatik hitz eman digute ikastetxeetako ordutegien doikuntzei buruzko informazio erregularra emango digutela. Hala ere, azpimarratu dute berrantolaketa horren arrazoia profesionalen atsedena bermatu beharra dela, beste neurri batzuk hartu beharrik ez izateko, hala nola oporren etena, etab.… SMEk behin eta berriz esan die “zerrendak hutsik daude” leloa aitzakitzat ez hartzeko, eta ahaleginak eta bi egiteko sendagileak erakartzeko neurriak gauzatzen, duela urte batzuetatik hona esekita arrastaka daramagun defizita txikiagotzeko.
3) Ley-LEP proiektua, Egonkortasuna:
Enplegu Publikoan Behin-behinekotasuna Murrizteko Premiazko Neurrien Lege Proiektua, uztailaren 6ko 14/2021 LEDetik datorrena.
Osakidetzak horren laburpena aurkeztu digu, baina aurreratu digute “egonkortasuna” ez dagokiela pertsonei “plaza edo lanpostuei” baizik.
Euskadiko Sendagileen Sindkatuan zehatz-mehatz aztertuko dugu emandako informazioa, Lege Proiektua onartu arte.
4) Karrera profesionala:
Giza Baliabideen zuzendariak 21/12/13ko aurreko Mahai Sektorialean aurreratu zigun bezala, karrera profesionalari dagokionez, Ogasunak eta Funtzio Publikoak baimena eman zain daude. Ez digute esan deialdia atzeratu egingo den ala ez, baina gauden egunetan eta Administrazioak daraman “erritmo tropikalarekin” zaila iruditzen zaigu deialdia 2021. urtean argitaratzea.
