Formakuntza eta laguntzak
Etengabeko prestakuntza-ikasketak eta birziklapen profesionala egiteko laguntzak (2025)
1263/2025 EBAZPENA, uztailaren 17koa, Osakidetzako zuzendari nagusiarena; horren bidez, langileen etengabeko prestakuntzako eta birziklatze profesionaleko ikasketak egiteko laguntza-programarako eskabideak aurkezteko epea zabaltzen da, 2025eko ekitaldiari dagokionez
Uztailaren 23an 1263/2025 ebazpena argitaratu zen. Ebazpen horren bidez, Osasun Sailak 2025rako osasun-arloko profesionalak prestatzeko eta birziklatzeko bekak eta laguntzak emateko deialdia eta oinarri arautzaileak onartu zituen.
Eskakizunak:
- Ikasketak 2024ko irailaren 1en eta 2025ko abuztuaren 31ren artean amaitzea.
- Zerbitzu aktiboan dagoen langilea izatea deialdiaren ebazpena argitaratzen den egunean.
- Eskabide sinatua eta gainerako dokumentazioa Osakidetzako edozein zerbitzu-erakunderen erregistroan aurkeztea deialdian ezarritako epean.
- Deialdiaren ebazpenean jasotako gainerakoak.
Deialdiaren Egoera:
Eskabideak aurkezteko epea: 2025eko uztailaren 24tik irailaren 26ra.
Eranskinerako esteka informazio guztiarekin: Etengabeko Prestakuntzarako eta Birziklapen Profesionalerako Laguntzak
Ebazpen honek ez dio amaiera ematen administrazio-bideari, eta, beraren aurka, gora jotzeko errekurtsoa aurkez dakioke Osakidetza-Euskal osasun zerbitzuko web orrian argitaratu eta hurrengo egunetik aurrera, betiere Administrazio Publikoen Administrazio Prozedura Erkidearen urriaren 1eko 39/2015 Legearen 121. artikuluan eta hurrengoetan xedatutakoaren arabera. Gora jotzeko errekurtsoa aurkeztu eta hiru hilabeteko epean ez bada berariazko ebazpenik eman, errekurtsoa ezetsitzat jo ahal izango da, eta administrazioarekiko auzien bidera jo ahal izango da.
