Ataria » Euskararen hizkuntza-eskakizunak egiaztatzeko IVAPen deialdi berria

Euskararen hizkuntza-eskakizunak egiaztatzeko IVAPen deialdi berria

Euskararen hizkuntza-eskakizunak egiaztatzeko probetan izena emateko epea, hilak 3, hasi eta otsailaren 16ra arte luzatuko da.

Otsailaren 2an argitaratu zen euskararen hizkuntza-eskakizunak egiaztatzeko IVAPen 2026ko lehenengo deialdia. Osakidetzako profesionalek parte har dezakete bertan eta izena emateko epea, otsailak 3, hasi eta hilaren 16ra arte izango da.

Euskararen hizkuntza-eskakizunak egiaztatu nahi dituzten Osakidetzako profesionalek IVAPeko aplikazioaren bidez eman ahal izango dute izena 2026ko lehenengo deialdi honetan. Horretarako derrigorrezkoa izango da identifikazio elektronikoa izatea (BAKQ, ziurtagiri profesionala hodeian…).

Egiaztapen-prozesuan parte hartu ahal izateko, interesdunak Osakidetzan gutxienez lan-kontratu bat eduki beharko du hizkuntza-eskakizunen deialdian izena emateko epean, kasu honetan otsailaren 3tik 16ra, biak barne.

Osakidetzako hizkuntza-mailak egiaztatzeari eta baliozkotzeari dagokionez, ez da aldaketarik aurreikusten epe laburrera zein ertainera. Beraz,  IVAPen eskaintza “asimetriko” berriek ez dute eraginik izango Osakidetzako lanpostuen hizkuntza-eskakizunetan.

IVAPek, Eusko Jaurlaritzaren 19/2024 Dekretuan ezarritakoaren arabera, hizkuntza-eskakizun mailak egokitu zituen iaz. Alde batetik, eskaintza zabaldu zuen; ohiko lau hizkuntza-eskakizunez gain, beste lau erantsi zituen, “asimetriko” izenekoak. Bestalde, terminoak bateratu ditu, Hizkuntzetarako Europako Erreferentzia Esparru Bateratuak (HEEEB) ezarritako nomenklaturaren arabera.

Informazio gehiago Osakidetzaren Intranetean eta IVAPen webgunean.