Formakuntza eta laguntzak

Ataria » Hizkuntza-eskakizunak: zalantzen argitzea Garapena eta Prestakuntza Zerbitzuaren eskutik

Hizkuntza-eskakizunak: zalantzen argitzea Garapena eta Prestakuntza Zerbitzuaren eskutik

Euskara hizkuntza-eskakizuei buruzko zalantza batzuk sortu dira Osasuneko Mahai Sektoriala osatzen duten Sindikatuengandik. Hau dela eta, Garapena eta Prestakuntza Zerbitzuak azalpen batzuk bildu dituzte. Honako hauek dira:

  • Osakidetzako langileengan eragina izango duten aldaketak.
  • Aldaketa nagusia da hizkuntza-eskakizunak ez direla Osakidetzaren bidez egiaztatuko, IVAPen bidez baizik. Beraz, hemendik aurrera, IVAPek egingo ditu deialdiak eta IVAPek emango ditu tituluak.
  • Deialdietan parte hartzeko baldintzei dagokienez, badago aldaketa bat Osakidetzako aldi baterako langile batzuei eragingo diena: hemendik aurrera, deialdi batean izena eman ahal izateko, gutxienez kontratu bat eduki behar da inskripzioaren epean (adibidez, 1. deialdi honetan, otsailaren 2tik 15era); lehen, kontratua deialdi batetik hurrengora arteko denboran eduki behar zen (5-6 hilabete, gutxi gorabehera). Osakidetzako euskara zerbitzuak gaia kontsultatu dio IVAPi, eta erantzuna izan da baldintza hori beraien araua dela, zuzenbidearekin bat datorrena, eta beti berdin aplikatu eta aplikatuko dietela administrazio guztietako langileei.
  • Prozesuari buruzko informazio osoa.
  • Aurreko paragrafoan azaldutakoa kenduta, prozedurak ez du beste aldaketa aipagarririk izan. Horretarako, IVAPen 2023-1 deialdia kontsulta daiteke 2023/02/01eko EHAAn (22. zk.).
  • Horrez gain, prozesuaren fase guztietan Osakidetzako langileek jasotzen duten informazioari dagokionez (izena emateko epeak, azterketa-datak, proben emaitzak, erreklamazio-epeak…), Osakidetzak orain arte bezala jarraituko du, intranetean informazio guztia zabaltzen.
  • Orain arte Osakidetzako deialdietan parte hartu duten eta, kontratua ez izateagatik, parte hartu ezin izango duten pertsonei, nota gordeko zaie?
  • Ez. Deialdi batetik bestera azterketa idatziaren nota gordetzen da, baldin eta idatzizko proba gainditzen bada eta ahozkoa ez; baina nota hori ez da gordetzen deialdi ez-jarraituen artean.

Zuen zalantzak argitzen ahalegindu gara.

facebookCompartir
TwitterCompartir