Iritziak
25/06/18ko Mahai Sektoriala: udako plangintza
Gaur Mahai Sektorialean izan gara, horren gai-zerrendako puntu bakarra Udako Plangintza zen
Eskerrak eman behar dizkiogu Zuzendaritzari, oraingo honetan behintzat, prentsaren bidez jakin baino lehen informazioa helarazteagatik. Baina, Osakidetzari esan diogun bezala, “denak aurreko urteetan bezala jarraitzen du”.
Aurkeztutako dokumentuaren puntu nabarmenenak, Lehen Mailako Arretaren eremurako bakarrik, honako hauek izan dira:
Sendagileen Sindikatuak EAG eta ospitaleetako larrialdiak indartzeko eskatzeari dagokionez, ziurtatu dute larrialdiak indartu egin direla ESIek eskatu dituzten kontratazio guztiekin.
Kontingentzia Korporatiboko Plan ospetsuaz ere hitz egin dute, eta, jakina, berriro eskatu diegu helaraz diezagutela. Besteak beste, osasun-zentroen itxiera edo ordutegi-murrizketa alde batera utzita, jakin nahi dugulako plan horrek aurreikusten duen une horretan lanean ari diren medikuak nola antolatu. Badakigu zentro batzuetan ohiko langileen erdiak edo gutxiago dituztela. Halaber, 8:00etatik 15:00etara lan egiten duten medikuei ordutegia aldatu dietela 10:00etatik 17:00etara. Ikusiko dugu, ematen digutenean, planak horri buruz zerbait esaten duen.
Bestalde, azpimarratu nahi izan dugu autokontzertazioa egiten duten profesionalei behar bezala ordaintzea, B modalitatea “beherantz” interpretatu eta eragotzi gabe. Hau da, falta den profesional bakoitzeko ordaintzea, gainerako lankideek haien kupoa beren gain hartzen badute.
Azkenik, Zuzendaritzak onartu du arazo larria dagoela Galdakaoko ospitale-larrialdietan, zerbitzuaren zati handi bat Aldi Baterako Lanerako Ezintasun egoeran baitago. Osakidetzak elkarrizketarako ate irekia eskatu du, egoera hori bideratu ahal izateko.
