Iritziak

Inicio » EKALME-SEMES Euskadik kontzentrazio bat deitu du Larrialdietako eta Emergentzietako Medikuntzako Lehen Mailako Espezialitatea sortzea eskatzeko

EKALME-SEMES Euskadik kontzentrazio bat deitu du Larrialdietako eta Emergentzietako Medikuntzako Lehen Mailako Espezialitatea sortzea eskatzeko

Datorren ostiralean, maiatzaren 27an, 12:00etan, Euskadiko osasun-profesionalak 5 minutuz kontzentratuko dira EAEko erreferentziako 3 ospitaleetan.

Euskadiko Larrialdietako eta Emergentzietako Medikuen Plataformak (EUREME) eta Euskadiko Sendagileen Sindikatuak (SME) ekimen honekin bat egingo dute.

larrialdi-emergentzi-espezialitatea

Larrialdi eta Emergentzietako Medikuntzaren Nazioarteko Egunean, Larrialdi eta Emergentzietako Medikuntzaren Elkarteak (EKALME-SEMES Euskadi), Euskadiko Larrialdi eta Emergentzietako Medikuen Plataformak (EUREME) eta Euskadiko Sendagileen Sindikatuak (SME) bat egin dute Osasun Ministerioari Lehen Mailako Larrialdietako eta Emergentzietako Medikuntza sortzea eskatzeko.

Horretarako, datorren ostiralean, maiatzaren 27an, 5 minutuko kontzentrazioa egingo da, 12:00etan, EAEko erreferentziako hiru ospitaleetako larrialdi-zerbitzuen sarreran:

  • Gurutzetako Unibertsitate Ospitalean
  • Donostia Unibertsitate Ospitalean
  • Araba Unibertsitate Ospitalean (Txagorritxu).

Ekimen hau Espainiako Larrialdietako eta Emergentzietako Medikuntzako Elkarteak (SEMES) antolatzen duen “Guk zaintzen zaitugu, mesedez, zaindu gaitzazu” kanpainaren barruan sartzen da, gizartea espezialitate hori sortzeko beharraz kontzientziatzeko.

“Larrialdietako eta Emergentzietako Medikuntza” (LEM) espezialitatea ezinbestekoa da honako arrazoi hauengatik:

1.- Europako herrialde gehienetan eta Espainian medikuntza militarraren esparruan dago 2015etik.

2.- Osasunaren Mundu Erakundeak gomendatua, laguntzaren ekitatea eta kalitatea bermatzeko.

3.- Herritarren zerbitzura, egunean 24 orduz, astean 7 egunez eta urtean 365 egunez. Bizitzak salbatzen dira.

4.- Osakidetzako ospitaleetan 2.000.000 larrialdi baino gehiago artatu dira azken 3 urteetan.

5.- Pandemian, Lehen Mailako Arretarekin batera, larrialdi- eta emergentzi-zerbitzuak izan dira COVID pazienteak artatzen lehenak.

6.- LEM Espezialitateak estatuko eta nazioarteko hainbat laguntza ditu: 30 zientzia-elkarte baino gehiago, herriaren defendatzailea, Elkargoko Medikuntzako Erakundea eta pazienteen eta erabiltzaileen 30 elkarte baino gehiago.

7.- LEM Espezialitateak belaunaldiz belaunaldi behar bezala aldatzeko gai diren profesionalen prestakuntza bermatzen du.