Ekintza sindikala

Ataria » Gutxieneko zerbitzuak: datozen greba egunetarako oroigarria

Gutxieneko zerbitzuak: datozen greba egunetarako oroigarria

2026, apirila, 16

Aurreko greba-egunetan izendatutako gutxieneko zerbitzuei dagokienez, eta oraingo deialdian sor litezkeen gorabeherak kontuan hartuta, honako informazio eguneratu hau partekatzen dugu:

Auzibidean dago Eusko Jaurlaritzako Lan Sailaren gutxieneko zerbitzuei buruzko aginduaren aurka SMEk egindako erreklamazioa.
Era berean, greba-egun berri horien aurrean, SMEk berriro eskatu die ESI guztiei, idatziz eta administrazio-bidean, gutxieneko zerbitzuen ardura duen fakultatibo bakoitzaren izendapenean idatziz azaldu dadila jardunaldi horietan egin beharreko laguntza-jardueren zerrenda zehatza (ikus aurreko argitalpenak: Medikuen greba-deialdi berria: gutxieneko zerbitzuei buruzko informazioa eta Gutxieneko zerbitzuak: SMEk izapide judizialak hasiko ditu EAEANen
Greba-egunei buruz sor litezkeen gorabeheren erregistroa eta jakinarazpena errazteko, hiru dokumentu konpartitzen ditugu:

Lehenengoa erabil daiteke Zuzendaritzari, borondatez, jakinarazteko grebarako eskubidea erabili nahi dugula, eta zehazteko nahi ditugun egunak. Hori guztia gutxieneko zerbitzuen arduradun izateko izendapenetik kanpo uzteko, ahal den guztietan. Dokumentua deskargatu
Bigarren dokumentuak laguntza-funtzioak idatziz definitzeko eskatzen dio Zuzendaritzari, baldin eta hurrengo greba-deialdirako gutxieneko zerbitzuko langilea izendatu bazaituzte. Jakina, zenbat eta lehenago bidali dokumentu hau, eta zenbat eta orokorragoa izan eskaera hori, orduan eta eraginkorragoa izango da ekimen hau. Dokumentua deskargatu
Hirugarren dokumentua jarduera-gida bat da, Lehen Mailako Arretarako edo Ospitaleko Arretarako. Gutxieneko zerbitzuaren izendapena sinatu bada agenda arrunta osorik mantentzeko aginduaren aurrean nola jokatu behar den zehazten du Lehen Mailako Arretaren kasuan, eta programatutako jarduera-agindu baten aurrean nola jokatu behar den Ospitaleko Arretaren kasuan. Bidal iezaguzue, kopian, posta elektronikoz Zerbitzu Burutzara edo Pertsonen Zuzendaritzara bidaltzen duzuen edozein idazki, helbide elektroniko honetara: servicios-minimos@sme.eus

Azkenik, gutxieneko zerbitzuen gaia pertsonal fakultatiboaren greba batean garrantzitsua bada ere, ez da gutxiago egia greba horrek arrakasta izateko aukera handiena gutxieneko zerbitzuen mende ez dauden eta parte har dezaketen guztien parte-hartzean oinarritzen dela. Horrek fakultatibo kopuru izugarria suposatzen du.