Iritziak

Ataria » Lanbide-Garapena: IV. kapitulua, 2024.01.29ko bileraren laburpena

Lanbide-Garapena: IV. kapitulua, 2024.01.29ko bileraren laburpena

Bilera horren helburua sindikatuek egindako alegazioak baloratzea izan zen

Euskadiko Medikuen Sindikatukook, Osakidetzarekin Garapen Profesionalaren eredu berriari buruzko akordio batera iritsi ahal izateko, lehentasunezkotzat jotzen ditugun puntu hauek azpimarratu genituen:

  • Egoitzan (prestakuntza espezializatuan) emandako urteak konputagarriak izatea maila jakin bat eskuratzeko.
  • Laugarrenetik gorako maila aztertzea, mediku batzuen lan-bizitza berrogei urte ingurukoa izan baitaiteke.
  • Prestakuntza eta ikerketa egiteko aukera profesional guztientzat eskuragarri egon behar dira, jarduera non egiten den kontuan hartu gabe, eta lanaldian zehar gauzatu behar dira, edo bestela, emandako denbora konpentsatu beharko litzateke (ordutegi-defizita…).
  • Deialdiak urtero egitea.
  • Izendapen askeko karguei, lanpostuan lau urtez egoteagatik, zuzenean 4. maila ez ematea, Osakidetzak nahi duen bezala.

Ikusita Osakidetzak erabat ukatzen duela edozein emakida, uste dugu sailburuak 2023ko maiatzean egindako asmo-adierazpena atzerapenezko eta propagandazko maniobra baino ez zela izan.

“Istorio Amaigabe” honek bederatzi edo hamar kapitulu izango ditu, eta bosgarren bilera batekin jarraituko du, oraindik zehaztu gabe dagoena, baremoen gai garrantzitsuari buruz hitz egiteko.

Laburbilduz, Osakidetzak 2005eko dekretua makillatu nahi du, patxadaz eta Lanbide Garapeneko dekretu berri bat negoziatzeko benetako asmorik gabe.

facebookCompartir
TwitterCompartir