Opiniones

Ataria » Larrialdi eta Emergentzietako Espezialitaterako sarbidea

Larrialdi eta Emergentzietako Espezialitaterako sarbidea

Uztailaren 3an argitaratu zen Estatuko Aldizkari Ofizialean (EAO) 610/2024 Errege Dekretua, Larrialdietako eta Emergentzietako Medikuntzako Mediku/Espezialista tituluari buruzkoa

Dekretu horretan titulua ezohiko bide batetik eskuratzeko baldintzak eta prozedura ezartzen dira, proba praktikoarekin edo probarik gabe.

Betekizunak:
  • Osasun Zientzietako Mediku Espezialista titulua izatea eta Medikuntza Orokorrean edo Familia Medikuntzan jarduteko gaituta egotea. 1995az geroztik tituludun diren mediku orokorrak, Europako ziurtagiririk gabe eta espezialitaterik gabe, kanpoan geratzen dira.
  • Osasun Zentro, Zerbitzu eta Establezimenduen Erregistro Orokorraren arabera, zerbitzuak eman behar dira:
  • Larrialdietako osasun-baimena (U68) duten ospitale publiko edo pribatuetan (C11 zentroak).
  • Osasun-laguntzako zentro mugikorretan (C257), garraio sanitarioarekin (U100). Erregistro horretan, lehen mailako etengabeko arretako guneak eta egonaldi ertain eta luzeko zentroak, larrialdi-zerbitzua izan arren (adibidez, Santa Marina Ospitalea), ez daude C11 zentro gisa katalogatuta. Ildo horretan, Osasun Ministerioarekin aldizkako bilera telematikoak egiten ditugunez, gai hau eta kezkatzen gaituzten beste batzuk helarazteko aprobetxatuko dugu.
  • Zuzeneko sarbidea, proba praktikorik gabe:
  • Azken 7 urteetan larrialdietako eta/edo emergentzietako profesional gisa 4 urtez jardun izana, dedikazioa lanaldi osokoa bada.
  • Azken 10 urteetan larrialdietako eta/edo emergentzietako profesional gisa 4 urtez jardun izana, dedikazioa lanaldi partzialekoa bada.
  • Proba praktikoarekin sartzea:
  • Azken 7 urteetan larrialdietako eta/edo emergentzietako profesional gisa 2 eta 4 urte bitartean jardun izana, dedikazioa lanaldi osokoa bada.
  • Azken 10 urteetan larrialdietako eta/edo emergentzietako profesional gisa 2 eta 4 urte bitartean jardun izana, dedikazioa lanaldi partzialekoa bada.
  • Azken 3 urteetan espezialitatea amaitu duen profesionala izatea eta dagokion espezialista-titulua lortu zuenetik igarotako denboraren % 50, gutxienez, lanaldi osoz lan egin izana larrialdi eta/edo emergentzietan.
Izapideak eta eskaerak
  • Dokumentazioa aurkezteko epea eskatzailearen jaiotza-dataren araberakoa izango da (jaioturtea edozein dela ere), dekretuan agertzen den taula batean oinarrituta. SMEn data zehatzak kalkulatu ditugu, honako hauek dira:
JaiotegunaArgitalpen-data EAOnEskaera egiteko hasiera-dataEskaera
egiteko amaiera-data
Urtarrila2024/07/03Argitalpen data EAOn + 3 hilabete2024/10/032024/10/18
Otsaila2024/07/03Argitalpen data EAOn + 3 hilabete eta 15 egun2024/10/182024/11/02
Martxoa2024/07/03Argitalpen data EAOn + 4 hilabete2024/11/032024/11/18
Apirila2024/07/03Argitalpen data EAOn + 4 hilabete eta 15 egun2024/11/182024/12/03
Maiatza2024/07/03Argitalpen data EAOn + 5 hilabete2024/12/032024/12/18
Ekaina2024/07/03Argitalpen data EAOn + 5 hilabete eta 15 egun2024/12/182025/01/02
Uztaila2024/07/03Argitalpen data EAOn + 6 hilabete2025/01/032025/01/18
Abuztua2024/07/03Argitalpen data EAOn + 6 hilabete eta 15 egun2025/01/182025/02/02
Iraila2024/07/03Argitalpen data EAOn + 7 hilabete2025/02/032025/02/18
Urria2024/07/03Argitalpen data EAOn + 7 hilabete eta 15 egun2025/02/182025/03/05
Azaroa2024/07/03Argitalpen data EAOn + 8 hilabete2025/03/032025/03/18
Abendua2024/07/03Argitalpen data EAOn + 8 hilabete eta 15 egun2025/03/182025/04/02
  • Tramitazioa elektronikoa izango da eta Osasun Ministerioaren egoitza elektronikoan egin beharko da.
  • Horretarako, ziurtagiri hauetako bat gaituta eduki behar da:
  • Cl@ve (herritarrek zerbitzu publikoetarako sarbide elektronikoa bateratu eta sinplifikatzera bideratutako sistema).
  • Baliozko ziurtagiri elektronikoa: NAN elektronikoa edo Diruaren eta Zerga-zigiluaren Fabrika Nazionalaren ziurtagiria. Ohar garrantzitsua: gakoak eta pasahitzak bi urtera iraungitzen dira, eguneratuta edukitzea gomendatzen dugu.
  • Jardun profesionalaren ziurtagiria eskatu behar da, dekretuaren amaieran agertzen den “ziurtagiri-eredu” baten arabera. Elektronikoki eman behar dute, eta Osasun Sailak erabakiko du zer pertsona edo erakundek eman behar duen. Horregatik, Medikuen Sindikatua harremanetan jarri da Osakidetzarekin, profesionalek nola jokatu behar duten adieraz diezaguten, mundu guztiari prozesua errazteko eta arintzeko.

Informatzen jarraituko dugu.

facebookCompartir
TwitterCompartir