Ataria » Medikuak sendagarriak agintzearen eta pazientearen segurtasunaren defentsan

Medikuak sendagarriak agintzearen eta pazientearen segurtasunaren defentsan

Euskadiko Sendagileen Sindikatuak (SME) errefusatu egin du Medikamentuen eta Osasun-produktuen Lege-aurreproiektuaren egungo idazketa

Medikamentuen eta Osasun-produktuen Lege-aurreproiektuak beste profesional batzuk gaitzen ditu tratamenduak agindu eta aldatzeko, Lanbide Sanitarioen Antolamenduari buruzko 44/2003 Legean (LOPS) ezarritako medikuen eta odontologoen eskumen esklusiboak inbadituz.

Sendagarriak agintzea fisiologia eta farmakologia sakon ezagutzea eskatzen duen ebaluazio kliniko konplexu baten emaitza da. Prestakuntza txikiagoa duten beste kolektibo batzuei sendagarriak agintzearen ahalmena emateak arriskuan jar ditzake pazientearen segurtasuna eta tratamenduen kalitatea, arrisku terapeutikoekin eta haren osasunerako eta ongizaterako ondorio larriekin.

Pazienteen Plataformak, hainbat adituk eta erakunde ugarik, hala nola Lanbide Medikoaren eta Farmazia-industriaren Foroak, lege horrek segurtasun klinikoan, sendagaien hornikuntzan eta sare industrial farmazeutikoan izan ditzakeen arriskuei buruz ohartarazi dute.

Entzunaldi publikoan parte hartzea

Proiektua maiatzaren 8ra arte dago zabalik ekarpenak egiteko. Profesionalak eta pazienteak parte hartzera gonbidatzen ditugu, beren iruzkinak informazio publikoko postontzira bidaliz: informacion_publica@sanidad.gob.es