Iritziak

Inicio » Ordezkarien harrobia

Ordezkarien harrobia

Lehen Mailako Arretako kideen lan-eskubideen alde gurekin batera borrokatuko den jendea behar dugu. Sendagileen Sindikatuan aktiboki parte hartu nahi baduzu, jarri harremanetan SMErekin gure web formularioaren bidez

Gaur egun, SMEn 30 ordezkari inguru gara (zuzendaritza-karguak barne), eta ia gehienok lanean dihardugu gure lanpostuetan, funtsezko bi arrazoirengatik: gure lana gustatzen zaigulako (denok dakigu bokazio handiko lanbidea dela) eta, bestalde, badakigulako hori dela medikuen kolektiboari eragiten dioten arazoen ikuspegi erreala izateko modu bakarra.

Sendagileon sindikatuaren ordezkari posibleen “harrobia” kolektibo osoa da. Orain arte, ordea, errazagoa izan da Ospitaleetako Osasun Sisteman dihardutenen artetik ordezkariak erakartzea Lehen Mailako Arretako diharduten medikuen artetik baino. Gainera, ospitaleetan, ordezkari batekin edo birekin (hirugarren mailako ospitale handienetan), nahikoa da zerbitzuetan sor daitezkeen arazoei buruzko informazioa jasotzeko eta zabaltzeko.

Lehen Mailako Arretakoek, batzuetan, SMEri aurpegiratzen digute ospitaleetako arazoez soilik arduratzen garela. Gaur egun, Lehen Mailako Arretan, lanean diharduten 6 ordezkari baino ez ditugu (Araban 1, Bizkaian 2 eta Gipuzkoan 3). Gipuzkoako hirurak EAGetan dihardute.

Osakidetzaren sarean dauden osasun-zentro eta kontsultategi kopuruarekin, sakabanatze geografikoaz gain, Sendagileen Sindikatuak horiei guztiei “presentziazko” estaldura ematea utopia bat da. Horregatik, buletinen eta sare sozialen bidez parte hartzen saiatzen gara, baita, egiten ditugun inkesten bidez, gaur egungo arazoak ezagutzen ere.

Baina, hala ere, batzuetan ez dugu jakin zer espero zuen kolektiboak Sendagileen Sindikatuarengandik eta agian ez ditugu bete haren itxaropenak.

Lehen Mailako Arretarekiko komunikazioa hobetu nahi dugu kolektiboak aurrean dituen arazoak modu eraginkorragoan ezagutu eta landu ahal izateko. Horregatik, Lehen Mailako Arretako norbaitek Euskadiko Sendagileen Sindikatuan (SME) aktiboki parte hartu nahi badu, harrera ona egingo zaio. Ideiak eman eta lankideen lan-eskubideen alde borroka egingo duen jendea behar dugu, guk egiten dugun dedikazio eta intentsitate berarekin. Interesdunek SMErekin harremanetan jar daitezke gure web formularioaren bidez. Zure datuak jaso ondoren, ahalik eta lasterren jarriko gara zurekin harremanetan, elkarrizketatzeko eta gure ildoak eta proiektua azaltzeko.