Iritziak

Ataria » Osakidetzak Etengabeko Arretako Guneak (EAG) salmenta-makina bihurtu nahi ditu

Osakidetzak Etengabeko Arretako Guneak (EAG) salmenta-makina bihurtu nahi ditu

Sendagilerik ez dagoenerako “Herramienta valoración ayuda enfermería PAC” (“EAGetako erizainei balorazioa egiten laguntzeko lanabesa”) izena duen Erizaintzarako protokoloa eta hark planteatzen duen jarduera-flujograma aztertu ondoren, SMEk honako hau adierazi nahi du:

  • Osakidetzak erizainei sakelako eskuliburu bat egin die, gaixotasuna diagnostikatzeko eta pronostikoa egiteko trebetasunak modu espres batean ikas ditzaten. Baina hori egiteko eskumena sendagileena baino ez da. Hain zuzen ere, horregatik, jarri zion 2023.05.30ean, demanda bat SMEk Osakidetzari.
  • Osakidetzak ezin okerrago izendatu duen ¨erizaintzaren triajea” egin ondoren, sendagileen balorazioa eskatzen da, logikoa denez, erizaintzak ez baititu beharrezko gaitasunak kasu horiek modu autonomoan ebazteko. Hori Emergentzietako sendagile koordinatzaileari deituz egin dezake, edo pazientea sendagilea duen beste EAG batera bideratuz, edo zuzenean ospitaleko larrialdietara bideratuz eta horrek zerbitzu horien gainkarga dakar. Hitz bitan esanda, Osakidetzak horrekin guztiarekin lortuko duen gauza bakarra da ezinbesteko arreta medikoa atzeratzea eta EAGak salmenta-makina soil bihurtzea.
  • Sendagileen Sindikatuak ez du EAGen etorkizuna iragarri nahi, eta ezin du ziurtatu Osasun Sailak horrelako planteamenduekin zer lortu nahi duen. Baina, zalantzarik gabe, erabakiak hartzeko gaitasunik ez duen EAG bat ez da inondik ere funtzionala. Horregatik, gure kezka da hori Osakidetzaren estrategia edo plan ezkutu baten parte ez ote den, euskal herritarrentzat eta Osasun Publikoarentzat funtsezkotzat jotzen dugun zerbitzu bat murriztea edo, okerrago dena, ezabatzea bilatzen duen plan baten atal ezkutua, alegia.
facebookCompartir
TwitterCompartir