Iritziak
SMEk, gainerako sindikatu medikuekin batera, medikuarentzako kategoria espezifiko bat sortzeko eskatu dio ministerioari
SMEk, CESMek, MCk eta SMAk medikuen kalifikazio berezia gogorarazi dute prestakuntzagatik eta erantzukizunagatik, eta konpetentziak esleitzean legezkotasuna betetzea eskatu dute
Tomás Toranzo eta Gabriel del Pozo Medikuen Sindikatuen Estatuko Konfederazioko (CESM) presidente eta idazkari nagusiak, Xavier Lleonart Metges de Catalunyako (MC) idazkari nagusiak, Rafael Ojeda Andaluziako Medikuen Sindikatuko (SMA) presidenteak eta Mabel Arciniega Euskadiko Sendagileen Sindikatuko (SME) idazkari nagusiak prentsaurreko batean parte hartu dute asteazken honetan. Bertan, sindikatu mediko profesional guztien batasuna erakutsi dute, medikuentzako kategoria espezifiko bat eskatzeko eta duela hamarkada bat baino gehiago murriztutako aparteko ordainsaria guztiz berreskuratzea eskatzeko.
Estatutu espezifiko bat
Enplegatu Publikoaren Oinarrizko Estatutuan (EPOE) jasotako sailkapen-taldeen balizko berrikuspenari buruz argitaratu diren azken informazioen ondorioz, premiazkoa izan da sindikatuek aspalditik mahai gainean jarri duten errebindikazio bat gogoraraztea. Izan ere, estatutu espezifiko bat egin behar da langile fakultatiboentzat, eta, horrez gain, kategoria bereizi eta goragoko bat antolatu behar da medikuen kolektiboarentzat, hori guztia lanbidean aritzeak dakarren prestakuntzan eta erantzukizunean oinarrituta.
“Krisi profesional batean gaude, eta medikuaren lana errekonozimendua behar du, eta sailkapen espezifikoko taldea ordainsarien aldea baino askoz gehiago da”
Tomás Toranzo (CESM)
Prestakuntzaren eta gaitasunen ildo honetan sindikatuek onartzen dute eztabaidaezina dela kolektibo batek lanbide-kategoria jakin batean egoteko baldintzak betetzen baditu horrela aitortu behar zaiola. Baina, era berean, zalantzarik gabe, medikuen kolektiboak gainerako osasun-lanbideetakoez bestelako prestakuntza eta erantzukizuna bere gain hartzen baditu, egungo A1 ez den beste kokapen bat eskatu dezake. Izan ere, beren bizitzako 11 urte prestakuntzan ematea erabaki dutenak sustatzeko modu bat da, beren lan- eta ordainsari-baldintzak beren ahaleginaren, trebakuntzaren eta erantzukizunaren araberakoak izan daitezen.
“EPOEk Bologna Planaren arabera jasotzen dituen talde profesionalen berreraketa duela ia 10 urte egin behar zen”
Xavier Lleonart (Metges de Catalunya)
Konpetentziak
Horrekin batera, profesional medikoenak bakarrik diren gaitasunak beste lanbide-kategoria batzuetara eramateko kezka dago. Azken urteotan ikusten ari gara, Osasun Sistema Nazionaleko lanpostu jakin batzuetan fakultatiborik ez dagoenez, beste profil profesional batzuetara jotzen dela medikuen kolektiboarenak bakarrik diren funtzioak betetzeko, Osasun Lanbideen Antolamenduari buruzko azaroaren 21eko 44/2003 Legeak dioen bezala. Baina hori, helburu horrekin sortutako lege-araudi baten babesean egin daitekeen kasuetan ere, iruzurra da herritarrentzat eta asistentziaren kalitaterako arriskutsua, lau sindikatuek aho batez salatu dutenez. Mediku-agindua behar duten farmakoak aztertzeko, diagnostikatzeko eta proposatzeko eskatzen zaien kolektiboek berek onartzen dute ez daudela horretarako babestuta edo prestatuta.
“Premiazkoa da medikuak osasun-sisteman duen zeregin espezifikoa aitortuko duen erreforma bati ekitea baina, norabide horretan aurrera egin beharrean, Administrazioak medikuen funtzioak Erizaintzari esleitzea erabaki du”
Rafael Ojeda (SMA)
Aparteko ordainsaria berreskuratzea
Bestalde, Estatu osoko medikuen ordezkari diren erakundeek 2010. urtean aparteko ordainsariaren murrizketari dagokionez hamarkada bat baino gehiago geroago mantentzen den bidegabekeria zuzentzeko eskatzen dute. José Luis Rodríguez Zapateroren Exekutiboak maiatzaren 20ko 8/2010 Errege Lege Dekretua onartu zuen, defizit publikoa murrizteko ezohiko neurriak hartu zituena, funtzionarioen soldatak modu progresiboan murriztuz.
Hala ere, azken urteetan gertatu diren berreskuratze txikiak linealak izan dira, eta, beraz, medikuak bereziki kaltetuak izaten jarraitzen dute, oraindik ezin izan baitute berreskuratu ordainsari horren zenbateko osoa.
“Medikuoi % 10 murriztu zitzaigun, zerbitzuetako langileen edo zeladoreen % 0,5ekin alderatuta, eta igoerak linealak izan direnez, hau da, guztientzat berdinak, kolektibo kaltetuena izaten jarraitzen dugu, 2010etik orain arte 16.000 eta 18.000 euro arteko galera izan baitu mediku bakoitzeko”
Mabel Arciniegak (SME)
Negoziazioa
Hori guztia dela eta, sindikatu mediko guztietako arduradunek eskatu dute inplikatutako ministerioekin negoziazio bat hastea berehala, eta Estatutu Markoa aldatzeko prozesuari berriro ekitea, medikuaren berezitasuna jaso ahal izateko. Bilera horiek bertan behera geratu ziren joan den uztailean hauteskunde orokorrak deitu zirelako, baina ez dira berriro deitu.
Ekitaldian izan dira, halaber, Angel Tocino SMAko idazkari nagusia, Juan Carlos Blázquez SMEko presidentea, David Arribas MCko idazkariorde nagusia eta CESMko konfederatutako sindikatu autonomikoetako idazkari nagusiak.
