Aldi berean, grebaren egunean, SMEk kontzentrazioak deituko ditugu hainbat zentrotan, oraindik definitzeke daudenak. Indarra eta batasuna erakusteko, kontzentrazio horiek Estatuko gainerako lekuetan egiten diren ekintzekin koordinatzea da asmoa.
Gainera, Euskadiko Sendagileen Sindikatuak Bizkaiko, Gipuzkoako eta Arabako Medikuen Elkargoetan, hurrenez hurren, 23an, 24an eta 25ean egingo ditugun informazio-batzarretan parte hartzera gonbidatzen zaituztegu. Elkargoetan eta arratsaldeko ordutegian egiteko arrazoia ospitaleko pertsonal fakultatiboaren eta Lehen Mailako Atentzioko langileen parte-hartzea errazteko da. Estatu Markoak guztioi eragiten digu.
Batzar horiek streaming bidez emango dira bertaratu ezin diren pertsonentzat. Zuen parte hartzea espero dugu.
Aldarrikapen nagusiak
• A+: Sailkapenaren goreneko talderako sarbidea medikuentzat eta goi-mailako tituludunentzat gorde behar da, bakoitzaren eginkizunaren eta bere jardun-eremuan eskatzen den erantzukizunaren arabera. • Derrigorrezko Lanaldi Osagarria pixkanaka kentzea: Lanaldi arruntetik (35 ordu) kanpo lan egindako denbora orok BORONDATEZKOA eta sustatua izan behar du, ordainsari egokiarekin eta bidezko konpentsazio-atsedenekin. Horretarako, datozen 3 urteetan pixkanaka ezabatzea proposatzen dugu. • Guardiak: Lanaldi arruntaren eta apartekoaren batura ezin izango da 17 ordutik gorakoa izan, etenik gabe. Lokalizatutakoak lan egindako denboratzat hartu behar dira ondorio guztietarako (atsedenaldiak, konpentsazioak…). • Txandaka lan egiten duten medikuen nekagarritasuna, osasunerako arriskua eta uztartzeko zailtasuna (gauekoak, jaiegunak) aintzat hartzea. • Gure lanbidearen arriskua kontuan hartzea, Gizarte Segurantzako araubide berezi batean sartzeko. • Ordezkaritza: Negoziazio-eremu propioa Estatuko instantziatik autonomikora, gure berezitasuna dela eta, Medikuen eta Fakultatiboen Mahai Sektorial bat eratuz, berari dagozkion gaietan Negoziazio Mahai Orokorretik INDEPENDENTEA • EPEak: Oro har, merezimendu-lehiaketa bidez egingo dira. • Erretiroa: Aldez aurretik eskuratzeko aukera, erosahalmen galdu gabe, arrisku-jarduerak aitortuta eta aparteko lanaldiaren % 100 zenbatuta. • Aparteko ordainsariak: Hileko soldata ez ezik, hirurtekoak eta osagarri guztiak ere jaso behar dituzte. • Irakaskuntzako osagarria, BAMEak prestatzeaz arduratzen diren fakultatiboentzat. • Lanbide Garapena: Jarduera profesional osoa aintzatestea, BAME prestakuntzako urteak barne. • BAME guardiak: Egoiliarraren borondatezko akordiorik ezean, ezingo dira hilean 4 baino gehiago izan, eta horietako bat baino ezin da izan larunbata, igandea edo jaieguna. Ordu arruntaren ordainsariaren % 150 jasoko du gutxienez. • BAME ordezkaritza: Autonomia-erkidego bakoitzean BAME Enpresa Batzorde bat sortzea, lau urtean behin hauteskundeen bidez aukeratutako egoiliarrez osatua.
