Prentsa-oharrak
Mahai Sektoriala: EAG eta Emergentzietarako autokontzertazioa negoziatzeko itxurakeria
Gaur, 24/06/10ean, SMEkok Mahai Sektorial berri batera joan gara, “ustez” EAG eta Emergentzietarako Autokontzertazioa negoziatzeko
“Ustez”, Sendagileen Sindikatuak egindako alegazio bakar bat ere jaso ez duen negoziazio-proposamena ez delako benetako negoziazioa, “epaia betearazteko proposamena” baizik.
Idatziz eta ahoz Osakidetzari helarazi dizkiogun alegazioak gure azken bilera telematikoan EAGko eta Emergentzietako medikuekin adostu genituenak dira.
Osakidetzaren dokumentuak:
- Ez du inolako ordainsari-hobekuntzarik planteatu medikuentzat, horiek baitira, berez, Osakidetzan faltan daudenak.
- Ez du kontuan hartzen fakultatiboaren benetako orduaren balioa, eta ez du aintzat hartzen gure kolektiboaren prestakuntza zabala eta erantzukizun berezia herritarrei kalitatezko arreta bermatzeko.
- Ez ditu zenbatekoak eguneratuko, eta ez du adierazten urteko ordainsari-igoerak egingo direnik.
- Ez ditu beste ordainsari-aukera batzuk baloratzen, hala nola ospitaleko larrialdietako medikuek dituztenak, txanda osoak eginez egungo eskaintza zertxobait hobetuko luketenak.
Osakidetzak ezartzen du medikuen eta erizainen orduen arteko aldea 10 euro/ordukoa izango dela eguneko ordutegian eta 5 euro/ordukoa gaueko ordutegian EAGn eta Emergentzietan. Beraz, Euskadiko Sendagileen Sindikatuak ezin du onartu gure kolektiboa erabat desmotibatzen duen proposamen bat; izan ere, badirudi Osakidetzak parekatu egiten dituela pazienteen diagnostikoak eta tratamenduak dakarren erantzukizuna eta beste funtzio batzuk, besteak beste, agindu medikoak betearaztea.
