Prentsa-oharrak
Osakidetzako sindikatu guztiek kontzentrazioak deitu dituzte ospitaleetan eta osasun-zentroetan
Kalitatezko osasun publikoa berreskuratzeko eskatzen dute, eta mobilizazioetan parte hartzera gonbidatzen dute gizartea
Osakidetzako sindikatu guztiak koordinatu dira osasun-langileei eta, oro har, gizarteari dei egiteko, datorren ostiralean, ekainak 26, 11:00etan Basurtu, Txagorritxu eta Donostiako ospitaleetan eta Euskal Osasun Zerbitzuaren sareko osasun-zentro guztietan antolatu dituzten kontzentrazioetan parte hartzeko.
Osakidetzako langileen ordezkari diren sindikatuen iritziz, koronabirusaren krisiak agerian utzi du zerbitzu publikoen eta, zehazkiago, osasun publikoaren garrantzia, ongizate kolektiboko tresna gisa; bizitza kolektiboko asegurua, zeina, zalantzarik gabe, sendotu eta garatu egin behar baita guztien ongizatea bermatzeko.
Hala ere, mobilizazio horiek deitu dituzten sindikatuek salatu dute osasuna negozio-iturri bihurtu dela, eta norbaitek ikusi duela dirua bere kontura irabazteko aukera. Deialdia egin duten sindikatuek diote osasun publikoa ahuldu egin dela, eta horren ondorioak nabariak izan direla osasun-krisi honi aurre egiteko orduan.
Ildo horretatik, sindikatu horiek gogorarazi dute Osakidetzako langileen ahalegin eta inplikazioak lortu duela pandemian euskal osasun-sistemaren gabeziak arintzea, eguneroko lanean gertatzen den bezala. Era berean, langileek aparteko baldintzetan egin behar izan dute lan:
Horren emaitza da —azpimarratu du— langile exhauista, fisiko eta psikologikoki, lankide bat hilda, babes-neurririk ez izateagatik kutsatutako 2.000 profesional baino gehiago, EAEko positiboen %18 izatera iritsi direnak eta ESI batzuetan plantilla osoaren %20 izatera iritsi direnak.
Murrizketa-politikek osasun publikoa ahuldu dute
Sindikatu horiek salatu dute Eusko Jaurlaritzaren azken urteotako murrizketa-politikek euskal osasun publikoaren ahultze mailakatua eta kezkagarria eragin dutela. Alde horretatik, erakunde sindikal horiek politika hauek dituzte:
Osakidetza suspertzeko politikak eskatzen dituzte
Gauzak horrela, sindikatu sinatzaileek Eusko Jaurlaritzari eskatzen diote osasun arloko politika publikoak errotik alda ditzala, lehenbailehen, eta neurri hauek har ditzala:
Eta Eusko Jaurlaritzak egoera hori zuzentzeko neurriak har ditzan, Osakidetzako langileei eta herritarrei dei egiten die datorren ostiralean, ekainak 26, 11:00etan Basurtu, Txagorritxu eta Donostiako ospitaleetan eta Osasun Zentroetan antolatu dituzten mobilizazioetan parte hartzeko.
Bestela, deialdia egin duten sindikatuek ohartarazi dute protestak areagotu egingo dituztela.
