Ataria » SMEk greba deitu du urriaren 3rako Estatutu Marko Propioa lortzeko

SMEk greba deitu du urriaren 3rako Estatutu Marko Propioa lortzeko

Euskadiko Sendagileen Sindikatuak ekintzak sinkronizatu ditu Estatuko medikuen gainerako sindikatuekin, eta greba deitu du urriaren 3rako

Bilbo, irailaren 19an. Grebaren helburua erakundeen artean indarrak batzea da, Negoziazio Mahai eta Estatutu Marko propioak lortzeko mediku eta facultatiboentzako.

SMEren ustez, Estatutu berri honek Osasun Ministerioari dagoeneko, APEMYFeko gainerako kideekin batera egindako dokumentuan, helarazi zaizkion aldarrikapen nagusiak jaso behar ditu . Hauek dira:

• A+: Sailkapenaren goreneko talderako sarbidea medikuentzat eta goi-mailako tituludunentzat gorde behar da, bakoitzaren eginkizunaren eta bere jardun-eremuan eskatzen den erantzukizunaren arabera.
• Derrigorrezko Lanaldi Osagarria pixkanaka kentzea: Lanaldi arruntetik (35 ordu) kanpo lan egindako denbora orok BORONDATEZKOA eta sustatua izan behar du, ordainsari egokiarekin eta bidezko konpentsazio-atsedenekin. Horretarako, datozen 3 urteetan pixkanaka ezabatzea proposatzen dugu.
• Guardiak: Lanaldi arruntaren eta apartekoaren batura ezin izango da 17 ordutik gorakoa izan, etenik gabe. Lokalizatutakoak lan egindako denboratzat hartu behar dira ondorio guztietarako (atsedenaldiak, konpentsazioak…).
• Txandaka lan egiten duten medikuen nekagarritasuna, osasunerako arriskua eta uztartzeko zailtasuna (gauekoak, jaiegunak) aintzat hartzea.
• Gure lanbidearen arriskua kontuan hartzea, Gizarte Segurantzako araubide berezi batean sartzeko.
• Ordezkaritza: Negoziazio-eremu propioa Estatuko instantziatik autonomikora, gure berezitasuna dela eta, Medikuen eta Fakultatiboen Mahai Sektorial bat eratuz, berari dagozkion gaietan Negoziazio Mahai Orokorretik INDEPENDENTEA
• LEPak: Oro har, merezimendu-lehiaketa bidez egingo dira.
• Erretiroa: Aldez aurretik eskuratzeko aukera, erosahalmen galdu gabe, arrisku-jarduerak aitortuta eta aparteko lanaldiaren % 100 zenbatuta.
• Aparteko ordainsariak: Hileko soldata ez ezik, hirurtekoak eta osagarri guztiak ere jaso behar dituzte.
• Irakaskuntzako osagarria, BAMEak prestatzeaz arduratzen diren fakultatiboentzat.
• Lanbide Garapena: Jarduera profesional osoa aintzatestea, BAME prestakuntzako urteak barne.
• BAME guardiak: Egoiliarraren borondatezko akordiorik ezean, ezingo dira hilean 4 baino gehiago izan, eta horietako bat baino ezin da izan larunbata, igandea edo jaieguna. Ordu arruntaren ordainsariaren % 150 jasoko du gutxienez.
• BAME ordezkaritza: Autonomia-erkidego bakoitzean BAME Enpresa Batzorde bat sortzea, lau urtean behin hauteskundeen bidez aukeratutako egoiliarrez osatua.

Euskadiko Sendagileen Sindikatuak informazio-batzarrak antolatu ditu Bizkaiko Medikuen Elkargoan (hilaren 23an, 18:30ean), Gipuzkoako Medikuen Elkargoan (hilaren 24an, 18:30ean) eta Arabako Medikuen Elkargoan (hilaren 25ean, 17:00etan). Batzar horiek streaming bidez emango dira bertaratu ezin diren pertsonentzat.

Euskadiko Medikuen Sindikatuak eskerrak eman nahi dizkie hiru elkargoei instalazioak utzi dizkigutelako eta ekitaldi horietan lagundu digutelako.