Prentsa-oharrak
KORONABIRUSA: SMEk Osakidetzari eskatzen dio kontuan har ditzala arriskuko langileak eta egin diezaiela probak arnas infekzio akutuaren sintomak dituzten osasun langile guztiei
SMEk joan den martxoaren 2ko komunikatuaren bitartez adierazi zituen bere kezkak. Gure mezu nagusiak izan ziren Osasun Sailaren jarraibideekin lankidetzan aritzea eta erakundeak eskaintzen dituen prestakuntzetan parte hartzea
Baina neurri eta baliabide egoki guztiak eta lan-eskubideak ez urratzea ere eskatzen genuen.
Inkontzienteki jokatu izana leporatu zaie Txagorritxu Ospitaleko kideei. Aitzitik, lankideek berek jakinarazi behar izan dute probak egin zirela, agintariek ezarritako datu epidemiologikoak bete ez arren. Probak bere kabuz egiteko ekimenak eragotzi du, seguruenik, egoera are okerragoa ez izatea.
Gaur egun, osasun-langileak arrisku-talde berezia dira. EAEn isolatuen % 50 sanitarioak izateak justifikatzen du, gure ustez, kontuan hartu beharreko datu epidemiologikoa izatea. Baina, gainera, gizarteko sektore bat gara, Koronabirusari ez ezik, gizartearen gainerako osasun-arazoei ere aurre egin behar diena —nahiz eta ez dirudien—; gure eguneroko lana da. Osasun-krisi honen oinarri nagusia gara, eta babestu egin behar gaituzte.
Hori dela eta, gure lanbidea arrisku-taldetzat eta interes sozial bereziko taldetzat hartzea eskatzen dugu. Hori dela eta, osasun-agintariei eskatzen diegu datu epidemiologiko gisa sar gaitzatela, eta, hala, arnas infekzio akutuaren zantzuak langile guztioi dagozkigun diagnostiko-probak egin diezazkigutela.
Sustatzen dugun neurria gauzatu izan balitz, agian ez ginateke egungo egoeran egongo. Onuradun nagusiak osasun sistema bera eta gizartea izanen dira.
Bestalde, epidemiaren eraginez sendagilerik ez dagoenez, kontratazio-metodo bereziei buruzko albisteak argitaratzen ari dira, indarrean dauden arau-ibilbideez gain, eta langileen legezko ordezkari gisa sindikatuei erabateko opakutasuna emanez.
Hori dela eta, SMEk erabateko gardentasuna eskatzen du langile egonkorren eta aldi baterakoen lan-eskubideak eta gizarteari osasun-laguntza emateko segurtasuna bermatzeko.
