Lanekoa

Ataria » Euskal Autonomia Erkidegoko sektore publikoan diharduten langileen ordainsarien % 1,5eko igoera gehigarria onartzen duen Erabakia argitaratu da

Euskal Autonomia Erkidegoko sektore publikoan diharduten langileen ordainsarien % 1,5eko igoera gehigarria onartzen duen Erabakia argitaratu da

2022, azaroa, 30

Euskal Herriko Agintaritzaren Aldizkarian argitaratu da 2022. urterako Euskal Autonomia Erkidegoko sektore publikoan diharduten langileen ordainsarien % 1,5eko igoera gehigarria onartzen duen 97/2022 EBAZPENA, azaroaren 22koa, no Erabakitakoaren testua agertzen den.

Gobernu Kontseiluak 2022ko otsailaren 22an egindako bileran hartutako erabakiaren bidez baimena eman zen, 2022ko urtarrilaren 1etik aurrerako ondorioekin, % 2ko ordainsari-igoera aplikatzeko 2021eko abenduaren 31n ezarritako ordainsariekiko, Euskal Autonomia Erkidegoko Administrazio Orokorraren, organismo autonomoen, zuzenbide pribatuko erakunde publikoen eta sektore publikoko partzuergoen zerbitzuan diharduten langileentzat.

2021eko abenduaren 31n indarrean zeuden ordainsariei aplikatuko zaie, eta, beraz, bi igoeren baturak % 3,5eko (% 2 + % 1,5) gehieneko ordainsari-igoera orokorra finkatuko du 2022ko ekitaldirako.
2022ko azaroko nominan gauzatuko da, eta atzerapen gisa ordainduko da aurtengo urtarriletik urrira bitarteko hilabeteei dagokien igoera.
Autonomia erkidegoen eta toki-erakundeen kasuan, ordainketa 2022ko abenduaren 31 baino lehen egin beharko da, eta, edonola ere, 2023ko martxoaren 31 baino lehen.

2022ko urtarrilaren 1etik aurrera, % 3,5 igoko dira behin-behineko langileen ordainsariak 2021eko abenduaren 31n indarrean zeudenekiko, hargatik eragotzi gabe antzinatasunagatik egokitu dakiekeena.

Informazio guztia daukazue: 97/2022 EBAZPENA, azaroaren 22koa