Ekintza sindikala
Apirilaren 27an, greba Arabako ESIko landa-eremuko Lehen Mailako Arretan
SMEk, SATSE, ESK, LAB, UGT, CCOO eta SAE sindikatuekin batera, Arabako ESIko landa-eremuko Lehen Mailako Arretako profesionalen aldarrikapenak babesten ditugu. Horregatik apirilaren 27ko greba deialdian parte hartuko dugu.
Gure ustez, lan-baldintzen aldaketak baldintza horiek eragiten dieten pertsonen ordezkariekin negoziatu behar dira, eta ez, ezarri alde bakarreko jokabideaz Osakidetzak egiten duen legez.
Gainera, landa-eremuko profesional eta biztanleen kasuan, kontua are larriagoa da, izan ere lan-baldintzen aldaketa horiek eragin zuzena izan baitezakete herritarrek jasotzen duten osasun-arretaren jarraipenean. Landa-eremuaren berezko ezaugarriak direla-eta (sakabanatze geografikoa, garraio publikoa bezalako zerbitzuen eskasia, eta abar), eremu horietan bizi den biztanleriak kezka handiz ikusten du osasun-zerbitzuaren jarraipena nola mugatzen ari den.
Herritar guztiei, hirikoei zein landakoei, osasun-laguntzan ekitatea eta kalitatea bermatzea guztion erantzukizuna da. Landa-eremuetako biztanleak eta osasun-arloko profesionalak ez dira bigarren mailakoak.
