Iritziak

Ataria » LEKUALDATZE-LEHIAKETA: zalantzak argitze aldera

LEKUALDATZE-LEHIAKETA: zalantzak argitze aldera

2022, martxoa, 18

SMEk (SATSE eta UGTrekin batera) Osakidetzak bere osotasunean betetzea espero dugun Akordioa sinatu zuen

Zer da lekualdatze-lehiaketa?

Profesional finkoak (plaza jabetzan dutenak) beren jatorrizko plazatik beste zerbitzu-erakunde bateko edo Osasun Sistema Nazionaleko beste osasun-zerbitzu bateko beste plaza batera mugitzeko aukera ematen duen prozesua da.

Nola funtzionatzen du?

Urtero bi eten-puntutan (apirilaren 1ean eta urriaren 1ean) hutsik dauden plazak eskaintzen dira, antolaketa-arrazoiengatik hutsik egon arren ateratzen ez direnak izan ezik.

Aurten 2 ziklo argitaratu beharko lirateke plaza hutsekin: apirilaren lehenengo hamabostaldian bat eta urriaren lehen hamabostaldian beste bat (lanpostu hutsak argitaratzen diren lehen egunetik plaza hutsak esleitzen diren 15era arte).

Une honetan, osasun-kategoria guztietarako irekita dago modu iraunkorrean, eta, beraz, edozein unetan, parte hartzaileak izena eman dezake, bere interesekoak diren eta beteta edo hutsik dauden plazetara aldatzeko nahia adieraziz. Eskaera baliozkoa izateko, gutxienez destino bat aukeratu behar da; bestela, ez da kontuan hartuko.

Garrantzitsua da jakitea behin bakarrik apuntatzea nahikoa dela, salbu eta une jakin batean hasieran aukeratu ez ziren beste lanpostu batzuk lortu nahi badira. Azken kasu horretan, aurretiazko aukeraketa aldatu beharko litzateke. Nahi izanez gero, eskaera bertan behera utz daiteke.

Izena emateko orduan, plazen lehentasuna hartu behar da kontuan, gehien interesatzen zaiguna lehenetsiz eta horrela hurrenez hurren.

Plazen aukeraketa nahi dugun guztietan alda daiteke, baina zein unetan egiten den kontuan hartuta, indarrean dagoen ziklorako edo hurrengorako balioko du.

Adibide praktikoak:

Urtarrilean aukeratu nituen lanpostu jakin batzuk martxoan aldatzea erabakitzen dut (hasieran aukeratutakoak aldatzea interesatzen zaidalako). Apirilaren 15ean (plazak esleitzeko lehen egunean), kontuan hartuko da martxoan egindako aldaketa, eten-puntua baino lehenagokoa baita.
Aurreko egoera bera, baina hautaturiko lanpostuen aldaketa apirilaren 15a baino geroago egiten dut (plazak esleitzeko lehen eten-puntua). Orduan, aldaketa hori urriaren 15erako hartuko da kontuan (lanpostuak esleitzeko bigarren eten-puntua).
Zer gertatzen da Araban lanean ari banaiz eta Bizkaira joan nahi badut lehenbailehen? Praktikoena Bizkaiko plaza guztiak eskatzea da, hutsik daudenak eta hutsik ez daudenak. Beraz, Bizkaiko plazaren bat eskaintzen den zikloan lekuz aldatzeko aukera izango duzu.
Zer gertatzen da Araban nagoenean Bizkaira joan nahi badut, presarik ez badut eta okupatuta dauden plaza jakin batzuek interesatzen bazaizkit? Behin bakarrik eman behar duzu izena, eta, denborak aurrera egin ahala, libre geratzen direnetako batzuk (lanpostu hutsak) eskura ahal izango duzu, salbu eta zuk baino merezimendu gehiago (puntuak) dituen beste interesdunik ez badago.

Zein da egungo egoera?

Familia Medikuntza eta Lehen Mailako Arretako Pediatria izan ezik, gainerako espezialitateetarako 2021eko urrian egin behar zena eta, azkenean, azaroan egin zena amaitu gabe dago. Oraindik ez dira ziklo hartako plazak esleitu.

Badakigu Osakidetza ez dela nabarmentzen epeak betetzeagatik, eta, ziur aski, berriro ere arazo tekniko-informatikoei leporatuko diela errua. Hala ere, gure susmoak baieztatzeko apirilaren 1a arte itxaron beharko dugu. Familiako Medikuntzako eta Lehen Mailako Arretako Pediatriako lehen zikloan gertatu zen egoera bera errepikatuz gero, Euskadiko Sendagileen Sindikatuak, bere Aholkularitza Juridikoaren bidez, behar diren neurriak hartuko ditu.